തേർത്തല്ലി:മേരിഗിരി ഹയർ സെക്കണ്ടറി സ്കൂളിൽ, തേർത്തല്ലി കുടുംബാരോഗ്യ കേന്ദ്രത്തിൻ്റെയും, ആലക്കോട് ഗ്രാമപഞ്ചായത്തിൻ്റെയും ആഭിമുഖ്യത്തിൽ ഹെൽത്ത് ഇൻസ്പെക്ടർ ശ്രീ. അഗസ്റ്റ്യൻ നേതൃത്വത്തിൽ സ്കൂളിലെ എല്ലാ വിദ്യാർത്ഥികൾക്കും ഒരോ തൂവാല വീതം നൽകുകയും തുമ്മൽ, ജലദോഷം, പനി എന്നീ രോഗങ്ങൾ മറ്റുള്ളവരിലേക്ക് പകരാതിരിക്കാൻ തൂവാല ഉപയോഗത്തെക്കുറിച്ച് ക്ലാസ്സെടുക്കുകയും ചെയ്തു. തുടർന്ന് ശ്രീ.സജീവൻ കൊന്നയ്ക്കൽ, ശ്രീ.സജി എന്നിവർ കുടുംബരോഗ്യ കേന്ദ്രത്തെ പ്രതിനിധീകരിച്ച് സംസാരിച്ചു. സ്കൂൾ പ്രിൻസിപ്പാൾ ശ്രീ.സിജോം സി ജോയി സ്കൂൾ ചെയർപേഴ്സൺ കുമാരി റോസ്മേരി ജോസഫിന് തൂവാല കൈമാറി കൊണ്ട് പരിപാടി ഉദ്ഘാടനം ചെയ്തു. വൈസ് പ്രിൻസിപ്പാൾ ചടങ്ങിൽ ആശംസകൾ അർപ്പിച്ചു.